Самолар бағрини қоплаб турган оппоқ булутлар кетти-ю, қуёш оламни яна ўз нури билан тафтини улай бошлади. Эрталаб тим-тим этиб ёмғир шивираб ўтади-ю, кейин эса худди эртаклар каби офтоб чарақлай бошлайди. Найза каби музлаб қолган яхлар тим-тим эрий бошлади-ю, қорлар қоплаб турган ариқларни тошириб, сув оқа бошлади. Ажабо, қир-адирлага ўт-ўлан чиқибди, хайронман. Ие, қушлар нима деб сайрашябди? «Баҳор келди. Баҳор келди!» дейдими? Нахотки, табиат ўзгаришлари шунга эканда! Ўлкамизга баҳорой қайтиб келибди, байрамлар фасли кириб келди, яшасин баҳор!
Ҳар бир фаслнинг ўзига яраша гўзалликлари ва турли хил бир-биридан қизиқарли ҳамда қуванарли байрамлари мавжуд. Биз ўзбек халқи доимо қўни-қўшни, маҳалла куйни эъзозлаб яшаймиз. Бу эса ана шу турфа хил байрамларни пайдо бўлиши ва ота-боболаримиздан меърос қолиб келаётган Наврўз каби ажойиб байрамларни йўқолмаслигининг нишонасидир.
Халқимизнинг бу «Хашар» деб аталган ободончилик иши бор бўлсинда! Қўни-қўшни-ю, қариндош уруғлар бир бўлиб, хўжалик тугул, шаҳримизни ҳам ободончилиги учун кураш олиб борадилар, бу эса шак-шубҳасиз кириб келаётган янги йил учун. Янги йил хаммамизга кўплаган янги йилларни олиб келсин ва тинчлик дея аталган пойдеворни маҳкамлаб берсин!
Наврўз. Баҳоройнинг синглиси. Оламни нурга таратиб, кўкаламзор қилгувчи янги йил! Биз инсонлар бу байрамни интизорлик билан кутамиз, чунки йилда бир маротаба тайёрланадиган, такрорланмас тамли сумалак, айнан мана ўша янги йилга бир неча кун қолгандан бошлаб тайёрлана бошлайди. Бу сеҳрли таомни мўжизаларга бой дейишади. Бувижонлар уларни тайёрлаб бўлгандан кейин, ёшларга беради, сумалакни ковлаётган инсон тилак билдирса, Аллоҳнинг инояти билан албатта руёбга чиқади. Бу эса Наврўзнинг ҳақиқий мўжизасидир! Бу йилги кириб келган баҳор, ҳаётимизга қувонч, бахт, омад, соғлик ва чинакамги дўстликни олиб келсин!
Азиз МАТКАРИМОВ,
М. Собиров номли мактабнинг 10 “Б” синф ўқувчиси
Комментарии