Швейцариянинг Базел шаҳридаги ботаника боғида дунёдаги энг катта гул очилди. Титан Арум деб номланувчи гулнинг  баландлиги 2,27 метр келади. Гулнинг барглари тўқ қизил рангда, сўтаси эса сариқ. Гулдан айниган гўштнинг хиди келишига қарамасдан, уни томоша қилиш учун кўплаб одамлар ташриф буюрди, дея хабар беради Женева Лунч.

Титан Арумнинг “ифори” учун “мурда гул” деб аташади. Ундай ўткир хид ва ёрқин ранг чанглатувчиларни, яъни, ўлаксахўр  пашшалар ва қўнғизларни ўзига жалб этиши керак. Табиий шароитларда бу гул фақат Суматра ороли чангалзорларида ўсади. Шунингдек, уни ботаника боғларида кўриш мумкин. Титан Арум 20-40 йилда бир марта ва бор йўғи икки кунгина гуллайди. Дунё бўйлаб ушбу ўсимлик гуллаган фақат 163 холатгина қайд этилган. Швейцарияда  “титан” илк бора гуллади.

Умида АБДУЛЛАЕВА,

8-гимназия мактабнинг

11 -“Б” синф ўқувчиси тайёрлади