Ўлкамизда фасллар келинчаги баҳор. Йўллар, далалар ям-яшил кийимда. Оппоқ, пушти либосдаги дарахтларга тикиламан. Уларга қараб кўзим қамашади. Мусаффо ҳаводан тўйиб-тўйиб нафас оламан. Ўйларим узун, йўлларим узун. Оёқларим остидаги майсалар гўёки менга оқ йўл тилагандай. Қалбимни ёқимли ҳис-туйғу эгаллайди. Борлиқ гўзал кўринади. Атрофимдаги одамлар таниш, меҳрибон, қадрдон туюлади. Ҳаммага яхшилик қилгим келади.

Инсонларнинг қувончи чексиз, кайфиятлари чоғ. Мен барча-барчага қиш ҳавосидек беғуборлик, поклик, баҳордай гўзаллик, мусаффолик тилайман. Ўзимнинг оппоқ тилакларимни, энг яхши истакларимни барча яқинларимга, азиз устозларимга, синфдош ва мактабдошларимга армуғон этаман.

Баҳор

Қиш қировли тугаб,

Юртга келди гул баҳор.

Кунлар исиб, музлар эриб,

Тўлиб оқади анҳор.

Ариқларнинг бўйларида,

Ялпизлар кўтарар бош.

Заррин нурларин сочиб,

Салом беради Қуёш.

Фериде КОЛИГОВА,

Қорасув туманига қарашли 

Ҳамза номли ўрта мактабнинг

8-“Б” синф ўқувчиси