Москвада  элчиликте  Жоомарт Исмаилбеков менен тааныштым.  Жоомарт  жаңыдан түзүлгөн  заманбап  бий тобунун мүчөсү  экен. Кыргыз элчилигинде өткөн  ар кыл иш чараларда келип бийлеп беришет. Азыркы мезгилде Жоомарт Москва шаарындагы

№68О нинчи мектепте  9-класста окуйт. Жолугушууда Жоомарт  ата-энеси 7 жылдан бери Москвада иштеп, жашаша турганына, өзүнүн Москвага келгенине 5 жыл болуп калганына токтолду. Кыргызстанга, айылга жайкы каникулда  барып туруп келээрин айтып берип, көп суроолорубузга жооп берди.

-Жоомарт кыргыз тилин унутуп бараткан жоксуңбу?

-Жок, кыргыз тилин унутпайм. Ата-энем дайыма айтат, адам баласы өз эне тилин эч качан унутпаш керек дешет.

-Үйдө кыргызча сүйлөшөсүңөрбү?

-Албетте, үйдө кыргыз тилинде гана сүйлөшөбүз.

-Айылда кайсыл тилде окудуң?

-Айылым  Жалал – Абад облусунун Сузак районундагы Барпы айылы. Айылда кыргыз тилинде окугам.. .Апам Россиянын жараны, атам Кыргызстандын жараны. Баарыбыз Россияда жашайбыз. 5 бир тууганбыз. Бир жума болуп калды, айылда 5-класста  окуп жүргөн  карындашым дагы келди.

-Айылда жалаң кыргыз тилинде окугансыңбы?

-Жок, адегенде Жалал-Абад шаарында  орус мектепте окугам, анан айылда кыргыз мектепте окудум. 3-класста  келип, даярдоо классында окугам. Мен анда орус тилин таптакыр билбейт элем. Анан кийинки жылы  1 класс ылдый отуруп окудум.

-Азыр кандай окуйсуң?

-Жакшы эле окуйм. 4, 5, кээде 3 дагы болуп калат.

-Кандай ийримдерге катышасың?

-Ушул бий ийримин ачканыбызга  аз эле убакыт болду, бирок алгачкы ийгиликтерибиз жаман эмес. Үч кыргыз  бала бийлейбиз.

-Мектебиңерде  кыргыз балдар барбы?

-Жок, бир казак бала бар. Бирок досторум көп. Жалаң орус балдар. Келечекте Москваны багындырсам деген оюм бар.