Аёлга гул беринг, муҳаббат беринг…

Баҳор, майсалар сабза ура бошлаган, осмон узра турналар учаётган, дилларга шодлик нашидасин олиб кирувчи бу кўклам фасл яна ўлкамизда ҳукмрон.

Баҳорнинг илк кунлариданоқ, ўзининг чиройини кўз-кўз этишга уринаётган юртимиз гўзал.Тўлиб-тошиб оқажак  анҳорлар гўзал.Зангор тусни ўз устига қоплаб, ўзгача ҳис-туйғу улашга уринаётган заминимиз гўзал.Қадди расо тоғи-ю, сўлим боғларини гўзал тусга ўраётган Ўш пирим гўзал.Илоҳим ана шу гўзалликларга кўз тегмасин.

Ҳа, баҳор ўзга фасллардан байрамларга бойлиги билан ажралиб туради.Мана яқинда унинг илк кунлари, муқаддас аёлларимиз байрами катта шодиёналар билан нишонланди.Уларга даста-даста гуллар, гулларга қўшиб муҳаббат, меҳр тортиқ қилинди.Бу байрам ҳозирги кунларгача давом этяпти.Шоир айтгандай:

Бугун элда ҳам,  дилда ҳам баҳор,

Шодлик хандалари дилларга туташ,

Ҳамон, ҳозиргача йигитлар қатор,

Аттор дўконида атирлар талаш.

Ҳа бугун жамики гўзалликни ўзида жо этган лобар қизларжон, мунис аёллар, меҳрибон ва мўътабар онажонларимиз байрамларининг муаттар ҳиди яна анқиб турибди.Улар шаънига ҳали ҳам дил сўзлари айтиляпти, кўкларга кўтариляпти.Онажонларимизни, гўзал ва лобар қизларимизни ҳар қанча олқишласак, тараннум этсак шунча оз. Яна шоирлар сатрига мурожаат қиламиз:

Аёл-сенда қизлик ибо-ҳаёси мавжуд,

Аёл-сенда ёрга садоқатлик бор.

Аёл-сен онасан, оналар шаксиз,

Жаннат боғларида юрмоғлиги бор.

Аёл-шу биргина сўз замирида қанчалар маъно мужассам.Қадимдан буюк обрў-эътибор, муҳаббат ва садоқат, меҳрибон ва раҳмдил, гўзаллик ва назокатликни ўзига муносиб этган аёлларимиз қадрланиб келганлар.18 минг олам гўзалликларини ўзида жам этган латофат эгалари ҳар қанча таҳсинга лойиқ..

Аёлларимизни шу кунга қадар не-не кунлар гувоҳи бўлган десак муболаға бўлмас.Бошидан қанчалар оғир кунларни ўтказган аёллар бугунга келиб, жамиятимизнинг бир бўлаги.У олим, депутат, раҳбар, шифокор, ўқитувчи…хаттоки тадбиркорлик, тижорат савдо-сотиқ ишларида ҳам анча илгарилаб кетишган.Сизларни қайси соҳада бўлмасин самимийлик,жозибадорлик, вафодорлик, меҳрибонлик ҳеч қачон тарк этмасин.

Бойчечак биз томон шошиб келибди,

Булоқларнинг бағри тошиб кетибди.

Гўзаллик ҳаддидан ошиб кетибди,

Бугун бизнинг байрам гўзал аёллар!

Бахтиёрхон ДОЛИМОВА,

 Ўш вилояти Қорасув туманидаги А.Парпиев номли

ўрта мактабнинг ўзбек тили ва адабиёти фани ўқитувчиси,

Қирғизистон Республикаси Таълими аълочиси

Написать ответ

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>