Category Мектептин жашоосу

Ош шаарындагы № 20 И.Раззаков атындагы гимназия мектебинде ар жума сайын окуучулар ишембилик өткөрүп, мектептин айланасын шыпырып, тазалап турушат. Бул күнү 2-Б классынын окуучулары өздөрү окуган мектептин алдын шыпырып, тазалап жүрүштү.

№50 П.Ж. Нышанов атындагы мектептин 7-классынын окуучулары футбол алар үчүн абдан кызык оюн экенин белгилешти

Тамашоу сынагы балдарга абдан жакшы таасир калтырды

Ош шаарындагы №52 Ак-Тилек орто мектебиндеги класстар арасында Тамашоу сынагы болуп өттү.

Мектеп рэкети  тууралуу көп айтылат. Бирок бир дагы мектеп жамааты, мектеп окуучулары «биздин мектепте  рэкетчилик бар» дегенин уга элекмин. «Ооруну жашырсаң  өлүм ашкере кылат» ,-демекчи,  республикабыздын булуң-бурчунан  өспүрүмдөр арасындагы  чыга калган  уруш-талаш,  мушташтан улам айрым балдардын  өмүрү кыйылганы, оор жаракат алганы  рэкетчиликтин дагы да бар экенин айгинелеп келүүдө. Бир мектептен рэкетчилик тууралуу  сурамжылообузду сиздерге сунуштамакчыбыз...

Шаардын  күнүнө карата шаардагы «Амир-Темир» аймактык кеңешинде жаңы мектеп ачылды. Мектептин салтанаттуу ачылышына Кыргыз Республикасынын премьер-министри ЖантөрСатыбалдиев, Ош шаарынын мэрии Мелисбек Мырзакматов, Кыргыз Республикасынын Жогорку Кеңешинин, шаардык кеңештин депутаттары, аймактык кеңештин тургундары катышышып, жаңы мектептин ачылышы менен куттукташты. Азыркы мезгилде бул мектепте 500 окуучу  окуйт. «Ош шаарынын күндөн күнгө гүлдөп өсүп атканына кубанычтамын.  Келген сайын жаңы курулушту көрчү болдум»,-деди премьер-министр...

«Данек» гезитинин  ачылышы менин  дагы бир  кесип  тууралуу  маалымат  алышыма, гезиттин ишин ѳздѳштүрүшүмѳ, тажрыйба алышыма ѳбѳлгѳ болду..  Анткени  мен  буга  чейин   журналисттин  иши ѳтѳ  жеңил, алар  ѳз  уккандарын гана  жазып  коё  берет  деп  ойлочумун,  а  негизи  бул кесип   эмгекти  талап  кылган түйшүктүү жана жоопкерчиликти талап кылган   кесиптердин  бири  экен. Бир  маалыматты  башка  адамга  берүү үчүн мен ойлогондой жѳн гана баяндап коюу менен чектелбейт экенсиң. Ал маалыматтын  канчалык  деңгээлде туура  экендигин далилдеш үчүн кѳп издениш  талап  кылынаарын  билдим

«Данек» гезити мага биринчиден көптөгөн достор менен  таанышууга өбөлгө түздү. Башка мектепте окуган балдар менен бирге кабарчы болуп иштөө мен үчүн  кызыктуу болду. Гезиттин  ар бир санында өзүмдүн макалаларымды көрүп аябай кубандым. Интервью алып жатканда бир аз тартынганмын, бирок кийинчерээк өз  эрким  менен  досторумдан  маек  алууга  үйрөнүп  калдым .  Мен “Данек”  гезити  көптөгөн  жылдар  бою  иштеп ,  мындан да   жакшы  сапатта  чыккан, окумдуу  гезит  болуусун  каалайм! Окуучулардын , гезиттин  жаңы  санын  чыдамсыздык   менен   күтүүчү  гезитке  айлануусуна  тилектешмин!

Кечээ эле  мектеп окуучулары үчүн  чыга турган гезиттин биринчи санын чыгарабыз деп окуучулар менен  жолугушуп, колуна калем кармап кѳрѳ элек, бирок  жалындаган жаштыгы менен  кандай кыйынчылык болсо да багындырууга  даяр турган балдар, кыздар  менен баарлашып, алардын  кѳѳдѳнүнѳ батпай турган  максаттары менен үмүттѳрүнѳ  ортоктош болдук эле. Балалык деген ушул да, газета чыгаруунун түйшүктѳрүнѳн кабары жок  туруп, газетага  материал жазууга бел байлап,  түшүнбѳгѳн  учурда  сурап, ѳздѳрүн кадыресе кабарчыдай сезишкенине кубандым.

Бүткүл дүйнѳлүк  изилдѳѳлѳрдүн маалыматы   боюнча  биздин ѳлкѳ китепти  эң  аз  окуган  ѳлкѳ  болуп  катталганы бизди күйүндүрбѳй койбосо керек. Окуучуларыбыз  билим берүү  тармагында да кѳп жылдардан  бери  бардык ѳлкѳлѳрдѳн  артта калып, билимибиздин  толук  болбой  жатканын  ачуу  болсо  да  мойнубузга  алуубуз  керек.  Сурамжылоо  боюнча  кѳпчүлүк ата-энелерден: «Балаңызга  китеп  алып  бересизби?» ,-деген суроо  узатышса; -Кийимине  зорго  жеткизип жатамын.-деген  жооптор  алынган. Албетте,  бул  жерде  ата – энелер  баарына  күнѳѳлүү эмес.

    Ош  шаарында эле эмес, айылдарда деле  азыркы  учурда   кооптуу  иштерге  жаш  ѳспүрүмдѳрдүн аралашып атышкандыгы  кейитет. Мындай иштердин кѳпчүлүгү учурда  ата-энелеринин   соода- сатык  иштери  менен алыска  кетип,  балдарынын кароосуз калгандыгынан   келип  чыгууда.   Ата-эне балдарын ата-энесине же туугандарына ташташат, алар балдарга ѳз ата-энесиндей   кѳңүл бѳлѳ албай калат, же балдардын кѳңүлүнѳ  тийбесин деп катуу айталышпайт. Натыйжада  айрым балдарга  жакшы  кѳңүл  бурулбай, кѳзѳмѳлдүн жоктугунан  кээ бирлери  начар чѳйрѳгѳ аралашып, айрымдары уурулукка барып, баңгиликке берилип кетүү да ошондой учурда болууда. Туура, баласын  ата-эне  ишенчиликтүү   колдорго  тапшырып, жакшы окуп, жакшы тарбия алып ѳсүп жаткан балдар да бар...

Ош шаарында ири бий топтору кѳп. Атап айтсак «Step by step» «Назик» «Шайыр» жана башка кѳптѳгѳн бий топтору бар. Алардын баары талантуу балдар, кыздар экендигине  күбѳ болуп келүүдѳбүз. Мээрим  балдар  билим   борборунда  кѳптѳгѳн  ийримдер  бар. Куурчак  театры, тай-цзи, комуз, сүрѳт, кол ѳнѳрчүлүк, бий  жана  башка ийримдердер  иштейт.  «Дидар» бий  тобу  2008-жылы Мээрим  балдар  билим  борборунда  түзүлгѳн.  Топтун  жетекчиси  Исакова  Жаңылай. Бий  тобуна  ар  кайсы  мектептен  бийге  шыктуу, ар  кайсы  жаштагы  кыздар  катыша  алат. Ю.А.Гагарин атындагы мектебинен  Мухтардин  кызы  Айгерим  катышып, ѳз  ѳнѳрүн  кѳрсѳтүп келет.

Ош шаарындагы Ю.А.Гагарин атындагы мектебинин мыкты окуган  окуучуларына  стипендия берилип, кубанычтары койнуна батпай турушкан кездери. Бул демилгени ѳздѳрү чет ѳлкѳдѳ иштеп жүрүшкѳн ишкер байкелер каржылоодо. Бул жаңылыкты уккан кѳптѳгѳн  окуучулар сабактардан мыкты окууга колдорунан келишинче аракет кылышууда. Байкелердин айтымында бул окуучулардын алдыга умтулуусуна демилге түзѳт.

Бекназар Ысабек уулу  №17-Ю.А...

Ош шаарындагы Ю.А.Гагарин атындагы мектеп гимназиясында жылдын башынан   эле мектеп менен биргеликте балдар бакчасы иштеп жатат. №17-Ю.А.Гагарин мектебинин мугалимдеринин айтымына караганда окуучулар балдар бакчасын аяктаган соң мектеп комплексине 1-класска которулуп, ѳз билимдерин улантышат. Мектеп мугалимдеринин айтымында “Бул балдардын билиминин бир калыпта ѳсүүсүнѳ ѳбѳлгѳ түзѳт”- дешет алар. Балдар бакчасында орус тилиндеги класстык бѳлүмдѳр да ачылган...

Жакында окуу жылы аяктап, «Акыркы коңгуроо» кагылат. Быйылкы окуу жылынын аякташына байланыштуу жакында  Ош шаарындагы  54 мектептин директорлору жана ата-энелер комиттеттеринин ѳкүлдѳрү, укук коргоо органдарынын  ѳкүлдѳрү   катышкан жыйын болуп, ал жыйында  25-май, акыркы коңгуроону ѳткѳрүүнүн тартиби талкууланды . Быйылкы окуу жылында шаардын мектептерин 2 миңден ашык бүтүрүүчүлѳр аякташууда.

Оштогу  «Сема» лицейинин бүтүрүүчүлѳрү Ислам Камилов жана Эламан Тилеков  Грузияда ѳткѳн 35 мамлекеттин окуучулары катышкан  Эл аралык олимпиадада  Химия сабагы боюнча  1- орунга татыктуу болушуп, Алтын медаль менен кайтышты. Экѳѳ тең аталган лицейдин 11 «Б»-классынын окуучулары. «Бул медаль бизге дем берди, биз мындан да мыкты ийгиликтерди жарата алаарыбызга ишенип кайттык. Мектепти аяктаган соң чет мамлекеттен билим алып, мыкты адистик алып, келечекте Кыргызстаныбыздын  экономикасын кѳтѳрүүгѳ  ѳз салымыбызды кошсок деген ниетибиз бар»,-дешти алар. Экѳѳ тең Алай районунун алыскы айылдарында, жѳнѳкѳй үй бүлѳдѳ чоңойгон балдар. Экѳѳнүн тең эки сабактан 4 деген баалары бар, калганынын бардыгы «5».

2011-2012-окуу жылында шаардын мектептеринде 3112 педагог таалим тарбия берип жатышат. Шаардагы 15 мугалимге “Кыргыз республикасынын билим берүусүнѳ эмгек сиңирген мугалим“деген ардактуу наам берилген, 455 мугалим жана тарбиячы “Билим берүүнүн мыктысы наамына татыктуу болушкан. 2010-2011-окуу жылында шаардын мектептерине  284 адис зарыл болсо, иш жүзүндѳ 600 адис кабыл алынган.