Category Жаңылыктар

Адина Каримова

Нурилло Абдурашид уулу

Ош шаарында өткөн мектеп окуучуларынын Ч.Айтматовдун  чыгармаларына арналган «Ааламдын Айтматову» дил баяндар сынагында  «Данек» гезитинин кабарчылары, №31 Курманжан Датка атындагы орто мектебинин 11-классынын окуучусу Адина Каримова,  №23 И.В.Панфилов атындагы гимназия мектебинин 10-классынын окуучусу Нурилло Абдурашид  уулу жеңишке жетишишип,  Ош шаардык билим берүү башкармалыгынын Ардак  Грамотасы жана баалуу белектер менен сыйланышты...

Кызыл-Кыя шаарынын мыкты окуучулары олимпиадада жеңишке жетишишти

Баткен облусунун Кызыл-Кыя  шаардык билим берүү бөлүмүнүн  башчысы Клара Каримованын билдирүүсүнө караганда Кызыл –Кыя шаарында    12  предмет боюнча мектеп окуучуларынын шаардык олимпиадасы  болуп өттү.  Олимпиадага 700 гө жакын мектеп окуучулары катышты.

Олимпиаданын жыйынтыгы боюнча 99 упайга татыктуу болуп,  №1 мектептин командасы биринчи орунду жеңип алды. Экинчи орунга  60 упайды ээлеп,  №2 мектептин окуучулары  жетишишти...

                                                      Сүрөттө 5-6-класстын окуучулары

Ош шаарындагы  бардык мектептерде  мектептин айланасын тазалоо, мектепти таза кармоо  салтка айланууда. Биз сөз кыла турган №7 Н.Нариманов атындагы гимназия мектебинде да окуучулар өздөрү билим алган мектебинин айланасын тынбай тазалап турушат. –Анын эмнеси бар экен, биз үйүбүздү деле жыйнап, тазалап турабыз да, мектеп биздин экинчи үйүбүз, андыктан мектепти тазалагандан намыстанбашыбыз керек. Биринчиден мектебибиз таза болсо көңүлүбүз куунак болот, экинчиден мектеп окуучулары  эмгекке үйрөнөбүз, үчүнчүдөн  балдар,кыздар ойногончо эле шыпырып, тазалап коебуз,-деди окуучулардын бирөө...

Ош шаарындагы Ю.А.Гагарин атындагы окуу -тарбиялоо мектеп комплекс гимназиясында кирип келе жаткан жаңы 2014- жылга  мыкты даярдыктар көрүлүп жатат. Себеби мектеп директору Жунусова Айгүл   жаңы жылга даярдык көрүүнү 11-“А” класска, мектептин эң жогорку гимназия классына тапшырган. Азыр 11-“А” класста эң мыкты даярдыктар көрүлүүдө. Класстын окуучулары жаңы жылдык кеченин сценарийин башынан  акырына чейин өздөрү түзүп чыгышкан. Майрамдык кечеде жомок жана балдардын сүймөнчүктүү  мультфильмдеринин каармандары катышышат...

11-декабрда №52- “Кыргыз -түрк достугу таланттуу балдар мектебинде” Чыңгыз Айтматовдун 85 жылдыгына   арналган адабий көргөзмө музыкалык кече болуп өттү. Кечеге шаардагы белгилүү мектептердин окуучулары жана мугалимдери катышты. Адабий кечеде көп мектептердин окуучулары тарабынан тартылган сүрөттөр  көргөзмөгө  коюлду. Адабий кечеде ар бир мектептин Чыңгыз Айтматовдун чыгармаларын катыштырып дилбаян жазган окуучуларына дипломдор жана баалуу белектер тапшырылды. Адабий кечеге  Ош шаардык билим берүү башкармасынын жооптуу кызматкери  Гүлмира Осекова катышты...

 Чаткал  райондук  мамлекеттик  администрациясынын  жана  Чаткал  райондук ички иштер башкармалыгынын демилгеси  менен «Мекеним  менин-Кыргызстан!»  аталыштагы  чоң  профилактикалык  иш-чаралардын  алкагында  2013-жылдын  13-декабрында Чаткал  районунун  Каныш-Кыя  айылындагы  С.Байдөөлөтов­­  атындагы  орто  мектебинде жаштар  арасында  укук  тартибин  сактоо, кылмыштуулуктун  алдын  алуу,  кылмыштар...

 Ош шаардык мэриясынын коомчулук менен иштөө кызматынын билдирүүсүнө караганда Ош шаарынын вице-мэри Ильяс Ражапов түштүк калаадагы бардык мекеме жана ишканалардын жетекчилери менен 2014-жаңы жылды тосуп алууга даярдык көрүү боюнча жыйын өткөрдү.

 Ош шаарынын мэриясынын тапшырмасына ылайык, бардык мекеме-ишканалар күчөтүлгөн тартипте иштөөгө өттү. Мындан сырткары, майрам күндөрү электр жарыгы үзгүлтүксүз берилүүсү маалым болду...

Ош облусунун Кара-Суу шаарында 7 декабрда мектеп окуучуларынын волейбол боюнча турнири өттү. Кара-Суу Шаардык мэриясынын маалыматына караганда, турнирге 19 мектеп командалары катышышып, алар төрткө бөлүнүп беттешишти.

Алгачкы оюндун жыйынтыгында жарым финалга «Жоош-1», «Кызыл-Суу», «Жоош-2» и «Мады»командалары чыгышты. Финалдык беттешүүдө «Жоош-1» командасы «Кызыл-Сууну” жеңип, адтын медалга ээ болду. Ал эми күмүш медалды  «Жоош-2».командасы утуп алды...

Фото баян

2013-жылдын 10-декабры күнү Кыргыз Республикасынын Өзгөчө кырдаалдар министрлигинин Ош шаары боюнча башкармалыгынын “Куткаруу кызматынын” куткаруучулары Ош шаарынын Джим көчөсүндө жайгашкан №79 – “Чолпон” орто мектебинде Өзгөчө кырдаалдардын алдын алуу жана мектепке чейинки мекемелерде окуп жаткан балдардын коопсуздугун камсыз кылуу боюнча Агахан фонду өткөргөн балдарды  өзгөчө кырдаалга  даярдоо боюнча облустук семинарга катышышты. Семинарда КРнын ӨКМнин куткаруучулары жаш өспүрүмдөрдү мекенчил, патриот болууга үндөшүп, кырсыктардын алдын алууда жана кырсык учурунда, ошондой эле кырсыктардын кесепеттерин жоюуда өзүн алып жүрүү жана куткаруу аракеттерин үйрөтүштү...

 Достукту чыңдаган КВН

10-декабрь күнү Керме-Тоо гимназия мектебинде КВН болуп өттү. Шаардагы ар бир мектептен келишкен атайын тапкыч жана шайыр командалар өздөрүнүн таланттарын (бий, ыр, тамашаларын) көрсөтүштү. Атайын түзүлгөн  калыстар тобу жыйынтык чыгарышып,  1-орунду .”Биримдик”  командасына жана көрүүсү начар балдардын мектеп интернатына ыйгарышты.  2-орунду Керме-Тоо  гимназия мектебинин “Смайл” командасы, 3- орунду “Ынтымак” командасы менен №14-Каныбек Алтыбаев атындагы мектебинин  командасы ээледи.  Жеңүүчүлөр баалуу  белектер, атайын грамоталар менен сыйланышты. Ал эми эң жакшы катышуучу деген наамга көзү азиздер мектеп –интернатынан келген 9-классынын окуучусу Оморов Актилек ээ болду...

Мектеп директору Салтанат Аманова                                                                                                

Бир жылдыкты куттуктоо

Ош шаарындагы №52 «Кыргыз-Түрк достугу» таланттуу балдар мектебинин жамааты мектептин ачылгандыгынын бир жылдыгын салтанат менен белгилешти.  Бир жылдыкка арналган жыйында ушул мезгил  ичиндеги аткарылган иштер боюнча маалымат берилип, слайд-шоу көрсөтүлдү. Мааракеге келген меймандарга  мектеп жамааты ыр, бий тартуулап, мектеп шаңга бөлөндү. Жыйында Ош шаардык билим берүү башкармалыгынын методикалык жетекчиси Гүлмира Осекова, «Олимп» гимназия мектебинин директору Александр Алексеевич Язов жана башкалар куттукташып, мектеп жамаатынын ишине ийгиликтерди каалашты.

Көптү үйрөткөн семинар

12-13-14-ноябръ күндөрү Керме-Тоо орто мектебинин  тарбиялык иштер боюнча директордун орун басары Мамырова Айнура, соц. педагог Мамразак кызы Жылдыз, жаш өспүрүмдөрдүн  ишин жетектөөчү Бакирова Каникей жана парламенттин активдүү 4 окуучусу “Сорос -Кыргызстан” фонду тарабынан уюштурулган семинарга катышып келишти. Белгилеп кетүүчү жагдай,  “Сорос-Кыргызстан” фонду мектеп үчүн техникалык каражаттарды берген. Ал эми   семинардын негизги багыты –телевидиниеде  техникалык жабдыктарды  кантип колдонууну,  ийрим,  басма сөз, тренингдерди,тегерек стол өткөрүү боюнча түшүнүк берүү болду. Окуучулар, эжекелер көптөгөн  кызыктуу маалыматтарды билип келишип,  окуучуларга үйрөтүшүүдө...

Фоторепортаж

Ош  облусунун Алай районундагы Кыркоол айылынын тургуну Абдилазиз Шопоков  көп  жылдардан бери жыгачтан  ар түрдүү  жаныбарларды  жонуп жасап келүүдө.  14 жылдан бери  уста тарабынан жасалган  айбанаттар абдан көп. Өтө чеберчилик менен жасалган жолборс, аюу, ажыдаар, жылаандар, арстан, бугу, бардыгы бар. Келечекте музей  ачсам деген  оюн да жашырган жок.

                                                                                 Азамат Маматалы уулу...

Сыйлык тапшыруу учуру

1-орунга татыктуу болгон А. Арстанбекованын тарткан суроту

1-орунга татыктуу болгон Ашырбек кызы Нураида тарткан сүрөт

Жалал-Абад шаарынын Барпы театрында 1-ноябрь күнү- Кыргыз милициясынын 89 жылдык мааракеси салтанат менен белгиленди. Бул  салтанатка облустун милиция кызматкерлери,  Жалал-Абад  облустук  администрациясынын, шаардык  мэриянын, укук  коргоо  органдарынын,  мекеме-ишканалардын  башчылары, ардагерлер, коомдук  уюмдардын,  жогорку  окуу  жайларынын  жетекчилери, массалык  маалымат  каражаттарынын  өкүлдөрү,  спорт  федерацияларынын мүчөлөрү, спортсмендер  жана  студенттер  менен  окуучулар  катышышты.

Жакында Ош шаарындагы №17 гимназия мектеп комплексинде  «Манас» программасынын алкагында  шаардагы кыргыз тилдүү мектептердин  окуучулары  арасында  сынак болуп өттү.  Сынакта  окуучулар кылымдарды карытып,  улуттук руханий баалуулуктардын бири болуп келген «Манас» эпосунан  үзүндү айтышып, өздөрүнүн шык, таланттарын  көрсөтүштү.  Сынакка 20 мектептен 25 окуучу катышты.  Сынак үч  турдан туруп, биринчи турда «Манас»  эпосунан, экинчи турда  «Семетей»  эпосунан  үзүндү айтышса, үчүнчү турда  кайсы билет түшсө  ошол билет боюнча үзүндүлөрдү айтышып, сынакта өз күчтөрүн сынашты.

Ош шаарында 26-27 октябрда мектеп окуучуларынын арасында америкалык FLEX программасы боюнча тандоо сынагынын 2 туру өткөрүлдү. Биринчи күнкү  тандоо сынагына шаардагы мектептердин миңге жакын  окуучулары катышышты. Мен дагы классташтарымдын дээрлик көпчүлүгү  менен бул сынакка катыштык.

Ош шаардык мэриясынын алдындагы жүргүнчүлөрдү ташуу агенттигинин   жетекчиси Шайлообек Атазовдун айтымында  жүргүнчүлөрдү ташуучу транспорттордо жол акысынын кымбаттаганы жана Навои көчөсүндө жаңы көпүрөнүн курулушу башталгандыгына байланыштуу маршруттардын  өзгөргөндүгү   боюнча түшүндүрүү иштери жүргүзүлүүдө.

Жол акысын көтөрүү боюнча мас...

«Улуттар биримдиги» жана «Кыргызстандын элдик-демократиялык партиясынын» депутаттары  Ош шаарындагы борбордук көчөлөрдүн бирин Чынгыз Айтматовдун атынан атоо демилгесин көтөрүп чыгышты.

  Депутаттар ошондой эле кыргыздын улуу жазуучусуна Ош шаарында эстелик орнотууну сунуш кылышты жана бул  маселени жакын аралыкта өтө турган  депутаттардын Ош шаардык кеңешинин сессиясында кароону сунушташты.

Быйыл 12-декабрда Чынгыз Айтматов 85 жашка чыкмак...

Ош шаарындагы № 20 И.Раззаков атындагы гимназия мектебинде ар жума сайын окуучулар ишембилик өткөрүп, мектептин айланасын шыпырып, тазалап турушат. Бул күнү 2-Б классынын окуучулары өздөрү окуган мектептин алдын шыпырып, тазалап жүрүштү.

Тамашоу сынагы балдарга абдан жакшы таасир калтырды