Одамлар инсонпарвар бўлинг! Бу сизнинг биринчи бурчингиз

Ж.Ж. РУССО.

Барча камчиликлардан қатъий назар, одамлар ҳар нарсадан ҳам кўра кўпроқ меҳрга лойиқ

И.ГЁТЕ.

Одамнинг ҳаёти унинг саҳовати билан теппа-тенг

Р. ЭМЕРСОН.

Даврон элининг жисмига ҳам жон бўлғил,

Ҳам жонларига мояи дармон бўлғил

А. НАВОИЙ.

Эзгулик инсоннинг маънавий оламидаги қуёшдир

В. ГЮГО.

Мен эзгуликдан бошқа бирор афзалликни билмайман

Л. БЕТХОВЕН.

Инсон қанчалик доно ва саҳоватли бўлса, у кишилардаги яхшиликни шунчалик кўпроқ пайқайди

Б. ПАСКАЛЬ.

Беғам бўлманг, ғафлатда қолманг! Ҳали навқирон, кучли, тетик экансиз, яхшилик қилишдан толманг

А.П. ЧЕХОВ.

Бирор-бир кимсага  яхшилик қилсанг, шуни билки, сенинг саҳоватингдан у беҳад шод бўлгани каби, сенга ҳам шунчалик завқ насиб этади

ҚОБУС.

Бошига кулфат тушган одамга яхши сўз билан тасалли бериш-кўпинча темир йўлдаги кўрсаткични вақтида тўғрилаб қўйишдек муҳимдир: равон ва хавфсиз ҳаёт йўлини атиги бир қаричгина масофа ажратиб туради

Г. БИЧЕР.

Яхшилик қилган чоғингда кўксинг қандайдир тоғдай кўтарилиб, қонуний ғурурланасан, соф виждонли одамдагина шундай бўлади

М. МОНТЕН.

Эзгу ишни ҳеч қачон кейинга қолдирмаслик керак: ҳар қандай пайсалга солиш бемаънилик ва кўпинча хавфлидир

М. СЕРВАНТЕС.

Кимки яхшилик қиламан деб ҳаддан ташқари узоқ муҳокама юритса, яхшилик қилишга вақти қолмайди

Р. ТАГОР.

Мажбуран қилинган яхшиликнинг қиммати йўқ

Д.И. ПИСАРЕВ.

Кўрсатма бўйича қилинган яхшилик-яхшилик эмас

И.С. ТУРГЕНЕВ.

Эзгулик –илм эмас, у фаолиятдир

Р. РОЛЛАН.

Бошқаларга шодлик ато этиш-энг ноёб шодликдир

Ж. ЛАБРЮЙЕР.

Камтарлик саҳоват кўркигина бўлиб қолмай, унинг соқчиси ҳамдир

Ж. АДДИСОН.

Ўз кўнглингни кўтаришнинг энг яхши йўли-кимнингдир кўнглини кўтаришдир

Марк ТВЕН.

Агар сизни  ҳеч ким ёқтирмаса, ишончингиз комил бўлсинки айб сизда

Ф. ДОДРИЖ.

Бировни ерга урсанг, бу билан ўзинг ҳам ерга уриласан

Ж.. ВАШИНГТОН.

Одамлар билан муносабатда эхтиёт бўл, энг муҳими-кулгили хушомадгўйликка ўтма

Э. ДЕЛАКРУА.

Атрофидагиларини камситган одам ҳеч қачон буюк бўла олмайди

И. ЗЕЙМЕ.

Ким ҳеч кимни севмаса, менимча, уни ҳам ҳеч ким севмайди

ДЕМОКРИТ.