Имтиҳон. Ўқитувчи умуман дарсга келмаган талабадан сўрайди:

-Ҳеч бўлмаса менинг исмим ким эканлигини биласанми?

-…

-Икки!!!

Талаба ташқарига чиқади. Курсдошлари нима бўлганини сўрайди. У:

-Қўшимча саволлар билан барибир қулатди,-деб жавоб беради.

***

Талаба отасига хат ёзади:

“Ассалому-алайкум ота! Қандайсиз? Соғ-саломат юрибсизми? Эсон-омонмисиз? Талаба ўғлингизга бироз пул юбора оласизми? Сизни соғинган Азим”

Ота ўғлига хат ёзади:

“Салом ўғлим! Телефон қилсак ЙЎҚсан, биз қийналган ЙЎҚмиз. Ойинг сени ЙЎҚлаб турибди.ЙЎҚ бўлиб кетма. Отанг ЙЎҚсилбой”.

***                       

Чукча ётар олдидан аёлига:

-Менинг ёнимга бир стаканни суви билан, яна бир стаканни сувсиз қўйиб қўй,-дейди.

Шу пайт аёли:

-Уларни нима қиласан?

-Шунга ҳам ақлинг етмайдими? Эрталаб турганда  сув ичгим келиб қолиши мумкин                              .

-Унда бўш стаканнинг нима кераги бор?

-Сув ичгим келмай қолиши ҳам мумкин-да!

***

Профессор  имтиҳонда талабадан сўраяпти:

-Нима учун сиз қаттиқ ҳаяжонланяпсиз? Мен берадиган  саволлардан қўрқяпсизми?

-Йўқ профессор! Мен берадиган жавобларимдан қўрқяпман.

***                                

-Мен кўричагимни олдирганимдан сўнг ўн беш килограмм оздим, -дейди бир қиз мақтаниб дугонасига. Бунга жавобан дугонаси:

-Вой тавба қилдим, кўричакнинг шунчалик оғир бўлишини биринчи марта эшитишим..

 ***

Суд залида одамлар ғала-ғовур қилмоқда, судья уларга хитоб қилади:

-Жим бўлинглар. Акс ҳолда, ҳаммангизни чиқариб юборишни буюраман. Шундоқ ҳам, тўртта ишни бирорта ҳам сўзни эшитолмай кўриб чиқдик.

***

-Нега уч кун дарсга келмадинг?

-Тунов куни сумалак пиширишга тайёргарлик кўрдик. Эртасига кечқурун билан сумалак кавлаб ухлаб қолибман.

-Кеча-чи?

-Сумалакни кўп еб қўйган эдим.

***

-Кўк сомса, кўк чучваранинг хосиятини сезяпсизми?

-Ҳа домлажон. Кўк сомса ва кўк чучвара ейиш мавсуми бошланганидан буён дарсингизда оғзимдан сув келиб фақат ухлаб қоляпман.

***

Бир кампир эрталаб шошиб ўғлини хонасига чақирибди.

-Менимча, шкафимда ўғри ўтирибди.

-Нега ундай деб ўйлаяпсиз?

-Тунда ўза ердан қандайдир товушлар эшитилди.

-Нега ўшанда мени чақирмадингиз?

-Арзимаган нарсани деб, тунда сени безовта қилгим келмади. Шкафнинг эшигини михлаб ташладим-да, бори ётдим.