Ёшлик шу нарса билан бахтиёрки, унинг келажаги бор.

Н. В. Гоголь

О, ёшлик! Ёшлик! Эҳтимол, бутун латофатинг сири ҳамма нарсани уддалаш имкониятига эга эканлигингда эмас, балки ҳамма нарсани уддалайман, деб ўйлаш имкониятига эга бўлганлигингдадир.

И. С. Тургенев

Ёшлигингни асра. Дунёда ундан яхши палла йўқ. Ундан қимматли нарса ҳам йўқ! Ёшлигингни, худди олтин каби, истаган нарсага ишлатишинг мумкин.

М. Горький

Бефойда ўтган ёшлик – мусибат.

Обой Қўнонбоев

Ўқишда, меҳнатда, фанда, халққа астойдил хизмат қилишда ўз бахтингни топасан.

Н. Д. Зелинский

Ёшликда шундай иш қилгинки, йиллар ўтиб, кексалик келтирган зарарнинг ўрнини қоплайдиган иш бўлсин. Кексаликнинг озиғи донолик эканини ёдда тутиб, ёшликда шундай ҳаракат қилгинки, кексалик озиқсиз қолмасин.

Ленардо да Винчи

Ёшликда нимани эксанг, улғайганда ўшани ўрасан.

Г. Ибсен

Бирор нарсани ўрганиш, янги одатларни сингдириш ва бир-бирига зид фикрларни тоқат билан эшитиш қобилиятига эга бўлган одам ёшлигини сақлаб қолади.

Э. Эбнер–Эшенбах

Ёшмисан, кексани сен ҳурмат айла,

Ўзинг ҳам қарийсан, ҳозирдан ўйла.

Аттор

Кексага кўмак бер – суянган тоғинг,

Буни тушунарсан қариган чоғинг.

Н. Хисрав

Ёшлик – доноликни ўрганадиган палла, кексалик эса уни қўллайдиган пайтдир.

Ж. Ж. Руссо

Ёшлар ўрганиши мумкин бўлган энг ёмон нарса енгилтакликдир. Зеро енгилтаклик шундай бир уруғ сочадики, ундан бузуқлик ниҳоллари униб чиқади.

Демокрит

Ёшликтаги қусурларни каригунча сақлаб қолиш керак эмас, чунки қариликнинг ўз қусурлари бўлади.

И. Гёте

Охунжон КАДИРОВ тайёрлади