Наврўз – янги кун демакдир. Шунинг билан бирга мучалларнинг алмашинувидир. Наврўз – шарқий халқларнинг янги йилидир.

Чечаклар барқ уриб келди Наврўзим,

Дон-дуним, ош-ноним ҳам ризқу-рўзим.

Жаҳонга тик боққан сен қаро кўзим,

Хуш келдинг Наврўзим дилларга ҳамдам,

Бизнинг қувончлардан қувонсин олам.

20 март куни Қорасув туманига қарашли  77- Ҳамза номли ўрта мактабда Наврўз анъанасига хос катта тантана ўтказилди. Ўқитувчиларнинг, ўқувчиларнинг, байрамга ташриф буйурган ота-оналарнинг, меҳмонларнинг қувончи чексиз эди. Чунки, Наврўз нишонланди. Мактабимизнинг битирувчи ўқувчилари байрамга ҳар йилгидан кўра ўзгача руҳ ва ўзгача кайфиятда тайёргарлик кўришган. Айниқса Баҳорой ва Наврўзаларнинг даврага кириб келиши байрамга ўзгача завқ бағишлади.

Шу қаторда бизнинг мактабимиз жамоати бутун қирғизистонликларни Наврўз айёми билан самимий муборакбод этди. Йил давомида барчамизни байрамона кайфият тарк этмасин.

Фериде КОЛИГОВА,

 77 – Ҳамза номли ўрта мактабининг

8 “Б” синф ўқувчиси