Келажакдаги танлаган касбим

Ҳозирги пайтда мен 10 “Б” синфида ўқиб, таълим олиб келмоқдаман. Келаси йил мен 11- синф битирувчиси бўламан. Ҳозирда мен химия, алгебра, инглиз ва қирғиз тилини жуда ҳам қизиқиш билан ўқимоқдаман. Булар қатори бошқа фанларни ҳам. Худо хоҳласа, насиб қилса олий ўқув юрти, яъни медицина соҳасига ўқишга кирмоқчиман.

Бунда мен оиламнинг пулини кучи билан эмас, балки ўз билимимнинг кучи билан кирмоқчиман. Бунинг учун мен бор билимимни ишга солиб, янада кўпроқ, кучлироқ билим олишга ҳаракат қилмоқдаман. Ёшлик чоғимданоқ шу ниятни олдимга мақсад қилиб қўйганман ва шу мақсадим сари интилмоқдаман. Ахир айтишади-ку, интилганга толе ёр деб. Ҳар бир инсонни менимча ўз олдига бир мақсади бўлади ва ўша мақсадига қараб интилади. Менимча, мақсадсиз инсон бўлмаса керак          ёки бўлса ҳам у инсон учун ҳаётнинг қизиғи қолмайди. Мен касблар орасидан шифокорлик касбини танладим.

Бу касб инсонни ўз ишига фидоий бўлишини талаб қилади. Бунда инсоннинг ҳаёт-мамот масаласи роль ўйнайди. У инсонни яшаши аввало Аллоҳдан, унинг сабабчиси эса биз бўлишимиз мумкин. Биз даволаётган инсон эса кимнингдир ака-укаси, кимларнингдир фарзанди, турмуш ўртоғи ва ҳеч қачон йўқотса қайтиб келмайдиган ота-онасидир. Керак бўлса биз ҳаётимизни бағишлаб, қутқаришимиз керак. Мен бу касб эгаларига ҳавасим келади. Мана шу касбни танлаганимга ҳеч қачон афсусланмайман.

Шифокорларнинг эгнидаги оппоқ либослари қалблари каби оппоқ деб ўйлайман. Шифокордан жуда ҳам катта эътибор талаб қилинади. Фақатгина бу эмас балки хушмуомалалик бўлишни ҳам, сабр-тоқат билан иш юритишни ҳам, ўз ишига жиддий қарашни ҳам талаб қилади. Менинг келинойим шифокор, мен у кишига жуда ҳавас қиламан. Келинойими кўриб бу касбга бўлган қизиқишим жуда ҳам ортмоқда.

Зарина СОЛИЕВА

Написать ответ

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>