Өрдөк быжы

1. Картошка , пиязды аарчып, төрт бурчтук формада майдалап туурайсыз.

2. Бөйрөк май менен ич майды майдалап туурайсыз. Аларды тууралган жашылчаларга кошуп, туз, мурч кошуп аралаштырасыз.

3.Койдун ичегилерин: мөөн менен жумурду жакшылап жууйсуз да, алардын ичине толтуруп фарштан саласыз. Жумур-өрдөк, мөөн- жумурткаалары болот. Жумурга фаршты салганда өзү эле өрдөктүн формасына келип калат. Ал эми мөөнгө фаршты салгандан кийин муун-муун кылып ар кайсы жеринен жип менен бууп коесуз да, бышканда байланган жерлеринен кесип, жиптерин алып саласыз.

4. Мискейге туз кошулган суу куюп, ага фаршталган ичегилерди салып эки сааттай кайнатасыз. Бул убакыт ичинде 2-3 жолу ар кайсы жерине сайып тешип коюшуңуз зарыл. Антпесе ичинде фарштардын суусу чыгып, өрдөк жарылып кетет же бышкандан кийин сиз каалагандай формага ээ болбой калышы мүмкүн.

5. Өрдөктүн тумшугун сабизден жасап, ага көк чөптөрдү тиштетип кооздоп койсоңуз болот.

Керектелүүчү азыктар:

Мөөн жумур, картошка 1 даана, сабиз 1 даана, пияз-3-4 даана, бөйрөк май, ич май, туз, мурч, калемпир татымга жараша салынат.

                                                     Таап, даярдаган Сайкал Нурбек кызы