Category Мектептин жашоосу

(долбоор)

П.Ж.Нышанов атындагы мектеп гимназиясынын 11-классынын окуучусу Каныкей Жеңишбек кызы, география мугалими Орозоева Айжан эжеке, ОшМУдан география илимдеринин доктору, кафедра башчысы Алайчиев Эрнис агай менен биргеликте долбоор жазганбыз. Ал долбоордун темасы «Географиялык аянтча»,-деп аталат. Ош шаарында  канчалаган мектептер, университеттер бар, бирок алардын эч биринде да «географиялык  аянтча» жок. Ѳзүбүз  билгенден Ак Тилек шаарчасында жаңыдан №52 мектеби ачылды. Ал жерде бардык  шарты бар, бирок географиялык аянтча жок.

23-апрелде Ош шаарындагы Таш Мияшев атындагы ѳспүрүм балдар китепканасында бүткүл дүйнѳлүк китеп күнүнѳ карата концерттик атайын даярдалган программа болуп ѳттү. Концертке жаш акындардан ОГПИнин студенти Медер катышып, лирикалык  ѳз ырларын окуп берди. Кечеде ал ѳз жолдошу менен келип, жаңы чыккан китептери менен тааныштырып, мектепте окуган жаш акындарга ѳз ойлорун жана тажрыйбаларын бѳлүшүп, дил маек курду. ОГПИнин «Шайыр кыздар» бийчилер тобу келип бийлешти.

Маектешим Ош шаардык билим берүү башкармалыгынын жооптуу кызматкери  Дилбара Самудинова жалпы республикалык тестирлѳѳгѳ каттоонун жүрүшү боюнча тѳмѳндѳгүлѳргѳ токтолду:

-Бул жылы жалпы республикалык тестирлѳѳнүн ѳтѳ баштаганына  быйыл 11 жыл толот.  Башкача  айтканда жалпы республикалык тестирлѳѳ  2002-жылдан  бери ѳткѳзүлүп келе жатат. Бишкекте «Билимди баалоо жана окутуу усулдары» деген атайын борбор бар.

Азыркы убакта түрдүү компьютердик оюндар чыккан. Жашы жете элек окуучулар да түрдүү, биз укпаган кайдагы каармандардын атын угуп, айтып, кайдадыр шашып баратканын кѳрѳсүң, баамдап, кѳңүл буруп кѳрсѳң алардын дээрлик кѳбү  компютердик оюндарды ойноого шашышат. Чет мамлекеттерден келген оюндар, программалардын кѳбүн  алар ѳздѳрү кѳрүшпѳгѳндүгү такталган. Жада калса коңшу ѳлкѳлѳрдѳ балдарга жана окуучуларга терс таасирин  тийгизген пограмма, кинолорду, мамлекеттик каналдардан берүүгѳ тыюу салган.

№11 Валентина Терешкова атындагы жатак мектебинде  12-апрель Космонавттар күнү салтанаттуу түрдѳ белгиленди. Кыдырата тизилген мектеп окуучуларын  мектептин директору Гүлсүн Матиева куттуктап, Терешковадай  учкучтун наамын алып жүргѳн мектептин окуучулары мыкты окуулары керек экендигин белгилеп, окууларына ийгиликтерди каалады.

Бүгүнкү мейманыбыз Ош шаарындагы  Ю.Гагарин атындагы №17 гимназия мектебинин 11-классынын окуучусу  Даткайым  Ибраева  жакында республикалык олимпиадага катышып, биринчи  орунду жеңип кайтты.

-Даткайым, жеңишиң кут болсун! Олимпиадага каалагандын бардыгы эле катыша албайт эмеспи. Сен кантип катышып калдың, абдан тырышып  окуп жүрѳсүңбү, же кокустукпу?

Сүрѳттѳ Ош шаарындагы  Ага Хан мектебинин 11-«С» классынын  мыкты окуучусу Нуржан  Адиева кенже класстын окуучуларына эмгек сабагынан кѳмѳк кѳрсѳтүү учурунда

 Азыркы учурда кѳптѳгѳн коомдук жайларда тазалык сакталбагандыктан ар түрдүү оорулар  келип чыгууда. Окуучулар ар түрдүү сарык окшогон жугуштуу оорулар менен ооруп калган учурлар да кѳп. Бул албетте,  окуучулардын ден соолугуна  залал келтирет  жана сабактарды кѳп калтырууга себеп болот.”Оорунун алдын албаса ѳлүм ашкере кылат”,- деп куру бекер айтылбаса керек. Ушул жагдайдан улам мен ѳзүм окуган  Ю.А.Гагарин атындагы мектебинин  мугалимдери, окуучулары арасында сурамжылоо жүргүздүм. 5-Б.классынын класс жетекчиси Асыранова Таннур эжекеге кайрылдым: -Биздин ашкана талапка жооп береби, ѳз оюңузду айтып койбойсузбу?

 Биринчи бул макаланы жазуудан мурун 12 окуучуга «мектепте бирдей форма кийүүгѳ кандай карайсыз» деген суроо узаттым .Суроомдун жообуна жалаң гана  «жакшы болот эле», «каршы эмесмин» деген гана сѳздѳрдү уга алдым. Бирок окуучулардын дээрлик бардыгы мектепте жоолук оронууну колдобой турганын айтышты. Мейли, алар каалашса кѳчѳдѳ, үйлѳрүндѳ  оронуп жүрѳ беришсин, бирок мектепке оронуп келишкенине каршыбыз деген пикирлерин билдиришти.

Мен Ю.А.Гагарин атындагы мектепте окуйм. Мектебибиз ар дайым таза болуп турат. Биз ар бир ишемби күнү мектептин ичин, сырткы айланасын, мектеп алдындагы кѳчѳдѳн бери  тазалап турабыз. Ар бир класстын ѳзүнѳ тиешелүү бѳлүштүрүлгѳн жер тилкелери бар, бардыгы ошол жерлерди тазалашат. Мезгил-мезгили менен мектебибизде ишембиликтер да ѳтѳт. Мен айрым учурларда «Ишембиликте окуучулар иштебеш керек, алардын эмгеги эксплуатацияланып жатат»,- деген пикирлерди угуп калам. Мен бул пикирге макул эмесмин, окуучулардын дээрлик кѳбү бул пикирге макул эмес Мектебибиз, классыбыз таза болсо ѳзүбүзгѳ эле жакшы да. Биринчиден таза жерде адамдын кѳңүлү ачык болот, ар кандай оору жугуу коркунучунан алыс болобуз, башка жактан бирѳѳ келсе да айлана-чѳйрѳбүз таза турганына сыймыктанабыз, анан  ишембиликте биз ашыкча деле жумуштарды жасабайбыз. Бирок мектебибиздин айланасы, ичи дайым таза турушуна бардыгыбыз кам кѳрүшүбүз керек. «Мектептин тазалыгы мектеп жетекчилигинин, агай-эжейлерди иши»,- дегендерге такыр кошулбас элем.  Ар бир окуучу ѳзү билим алган мектептин тазалыгына ѳз салымын кошуш керек деп эсепейм. Мен бул тууралуу  кѳп окуучуларга кайрылып, тѳмѳндѳгүдѳй жооп уктум. Алардын бири Элена буларга токтолду:

 Кыз бала эч нерсеге тендешкис гүл дешет акындарыбыз.  Аларды айга, күнгѳ, гүлгѳ теңешет. Андыктан алардын мээримин, назиктигин, камкордугун, сулуулугун каалагандай мактасак да, ыр менен тѳгүп, укмуш кооз сѳздѳрдү арнасак да жарашат. Бирок болочоктогу эне, сүйүктүү жар боло турган айрым кыздарыбыздын кейиштүү кылык-жоруктарынан уялган учурларың да болот. Арийне беш кол тең эмес, арасында сѳз менен сүрѳттѳп айтып бералгыс сулуусу, акылдуусу, зиреги, сѳз жеткис жакшысы да бар, ошого улай эле ата-энесин укпай, улууларды сыйлабай, бешиктен бели чыга электе  арак ичип, ооздорунан жаман сѳз чыгып, жада калса баңги заттарды  колдонгондор  да жок эмес. Бүгүнкү күндѳгү жаш кыздардын кызыккан нерселери мода, жигиттер, достор, интернет, ар кандай вечеринкалар (отуруштар) болуп жатканы маалым.

Ош шаарындагы №11 Терешкова атындагы  жатак мектебинде «Акыл ордо» интеллектуалдык оюну ѳткѳрүлдү. Бул оюнга 6 окуучу катыша алды. Алардын ичинен 2 окуучу финалга калып ойношту. Алар Жумамамат кызы Айгерим жана Медербек уулу Уларбек. Финалда кѳптѳгѳн логикалык суроолор болду.

Ош шаардык билим берүү башкармасынын кызматкери Кутман Анарбаевдин билдирүүсүнѳ караганда  Ош шаарында  олимпиаданын  тѳртүнчү туру аяктап, анда биринчиликке чыккан  36 окуучу республикалык олимпиадага катышууга  мүмкүнчүлүк алышты. Олимпиада 4 тур менен ѳтүп, 10 предмет боюнча акыркы аймактык турга 162 окуучу катышышты.

                       «Атам, апам жана мен»

Мектеп окуучулары менен ата-энелердин ортосундагы байланышты күчѳтүү максатында  Уркуя Салиева атындагы таланттуу балдардын лицей  жатак мектебиндеги 10-а класстын окуучуларынын ата-энелеринин катышуусунда  « Атам,апам жана мен»  деген темада практикалык конференция ѳткѳрүлдү. Иш-чаранын негизги максаты –  бүгүнкү  учурдагы ата-энелердин, мугалимдердин балдарга болгон жигердүү  аракетинин натыйжасында түшүндүрүү иштерин жүргүзүү,  дегеле окуучулардын билим алууга карата кызыкчылыгын арттыруунун жолдору жѳнүндѳ  сѳз  болду.
Конференция кызыктуу ѳтүп, ата-энелер менен окуучулардын ортосундагы, мугалимдер менен окуучулардын ортосундагы  мамилелер талкууланды. Ата-энелер, окуучулар бул саамалыкты уюштурган класс жетекчиси  Гулипа Култаевага терең ыраазычылык билдиришти.

                                                                                                                       Бексултан АБИЕВ,
Уркуя Салиева атындагы жатак мектеп – лицейинин
10-а класстын окуучусу

Ош шаардык жаштар комитети  Ош шаардык  мэриясынын алдында түзүлгѳнүнѳ 2 жыл болду. Азыркы мезгилде жаштар комитетинде 22 адам  эмгектенүүдѳ.  Комитет негизинен 4 багытта  Ош шаарындагы 14-28 жашка чейинки жаштар менен иш алып барат. Биринчиси—мектеп окуучулары, экинчиси-Ош шаарындагы 12 аймактык кеңешинин жаштары. Үчүнчүсү-студенттер. Тѳртүнчүсү кѳчѳ жаштары. Эч жерде иштебеген, эч жерде окубаган, барар жери жок балдар менен иш алып барат. Бул боюнча 9 багыттык программасы бар. Жаштардын билими, жаштардын маданий эс алуусу, жаштардын саясий укуктук аң сезимин  жогорулатуу, жаштардын укугу, жумушсуздук, жаштарга билим берүү жана башка ушу сыяктуу түрдүү багыттар боюнча иш алып барат.

Мугалим –ѳнѳр ээси үлгү берээр,

Мугалим эрктүү адам баарын жеңээр.

Шакиртин кыйын таптап ѳзүнѳн да,

Адамдык сапаты артык, жоомарт, чебер.

 Чындыгында мугалим ѳтѳ улуу адам, чексиз мактоолорго татыктуу   биринчи тарбиячы, залкар устат, тарбиянын дыйканы.

«Мугалим – мѳмѳлүү дарак»,-демекчи, биздин ата-энебизден кийинки  жакын адамыбыз-мугалимибиз. Биз энени кандай урматтап, сыйласак, мугалимди андан артыгыраак сыйлашыбыз керек. Биринчи коңгуроодон кийин бизди жетелеп, ээрчитип биринчи кадам таштаттырган бул-эжекелерибиз. Алар эң мээримдүү, камкор болушат. Биринчи билим  пайдубалыбызды мектептен баштайбыз. Аны мугалим курат. Окуучулар канчалык шоктонбосун, кемчилик кетирбесин алар баарын кечиришет. Сыртынан урушканы менен алар бизге ар дайым жакшылыкты гана каалашат. Менимче бардык мугалимдер урмат-сыйга, алкышка татыктуу.

Бул жашоодо сүйѳнгѳн адамың-досуң болуп саналат. Бирок  кѳпчүлүк учурда  ѳз досторунун материалдык жактан жетишкендиктерине карап дос  болушат. Достор да чыныгы дос, жарма дос болуп бѳлүнѳт. Жарма достор адамдын байлыгына, же анын жардамына кѳз каранды болушат. Чыныгы дос ѳз досунан ачуу болсо да чындыкты жашырбайт, ѳз  досу  үчүн колунан келишинче жардамын аябайт жана аны милдет кылбайт. Жүз сомуң болгончо жүз досуң болсун дешет. Бирок бул макалга таянсак, жүз достун баары эле  дос боло бербейт жана чыныгы дос ѳзү эле алардан айырмаланып калат. Мына ошондуктан аны чыныгы дос дейт. Биздин  Ю.А.Гагарин атындагы №17-мектебинин  10-«А» классынын окуучусу Алибек кызы Мадинадан ѳзүнүн досу  жана экѳѳнүн достугу жѳнүндѳ  сурадым.